Kjósendur á kjörskrá

Kjósendur á kjörskrá

Sveitarstjórnir semja kjörskrár eftir kjörskrárstofnum sem Þjóðskrá lætur þeim í té. Á stofnum þeim, sem hún hefur unnið vegna alþingiskosninganna 12. maí 2007 eru 221.368 kjósendur og er fjöldi karla og kvenna svo til jafn. Konur eru 110.969 en karlar 110.399. Konur eru því 570 eða 0,5% fleiri en karlar.. Í endanlegri tölu kjósenda á kjörskrá, sem birt verður í skýrslu Hagstofunnar um kosningarnar, verður tekið tillit til tölu látinna og þeirra sem fá nýtt ríkisfang eftir að kjörskrárstofnar voru unnir, svo og breytinga sem verða á kjörskrá vegna leiðréttinga. Við alþingiskosningarnar 10. maí 2003 voru 211.289 kjósendur á kjörskrárstoni og nemur fjölgunin 10.079 manns eða 4.8%. Við alþingiskosningarnar 8. maí 1999 voru 201.443 kjósendur á kjörskrá og var fjölgun milli kjördaga þá 9.846 eða 4,9%.

Kjósendur með lögheimili erlendis eru 8.793 eða 4,0% kjósendatölunnar og hefur þeim fjölgað um 65 frá síðustu alþingiskosningum eða um 0,7%. Kjósendum með lögheimili hér á landi fjölgar um 9.999 eða 4,9%. Þeir sem vegna aldurs fá nú að kjósa í fyrsta sinn til Alþingis eru 17.132 eða 7,7% af kjósendatölunni.

Samkvæmt lögum um kosningar til Alþingis nr. 24/2000 á kosningarrétt við kosningar til Alþingis hver íslenskur ríkisborgari sem náð hefur 18 ára aldri þegar kosning fer fram og á lögheimili hér á landi. Íslenskur ríkisborgari, sem náð hefur 18 ára aldri og átt hefur lögheimili hér á landi, á og kosningarrétt í átta ár frá því hann flutti lögheimili af landinu, talið frá 1. desember næstum fyrir kjördag. Slíkur ríkisborgari á og kosningarrétt hér á landi eftir þann tíma, enda sé um það sótt. Ákvörðun um að einhver sé þannig á kjörskrá tekinn gildir í fjögur ár frá 1. desember næstum eftir að umsókn var lögð fram. Nú er á kjörskrárstofnum 227 kjósandi sem svo stendur á um.

Samkvæmt lögunum er hver maður tekinn á kjörskrá í því sveitarfélagi þar sem hann átti lögheimili samkvæmt íbúaskrá þjóðskrár fimm vikum fyrir kjördag, sem nú var 7. apríl.

Hér að neðan má sjá línurit sem sýnir þróun fjölda kjósenda í 1999-2007.

Reykjarvíkurkjördæmin eru sýnd sem eitt til að gefa betri mynd af þróuninni.

Hlutfallslega fjölgun kjósenda á kjörskrá í hverju kjördæmi fyrir sig á 8 árum er:

Heimild: Hagstofa Íslands